મને પરવડે નહીં - સ્નેહી પરમાર
આ આટલી ખારાશ, મને પરવડે નહીં
દરિયો જ હો ચોપાસ, મને પરવડે નહીં
મારે સળગતો હાથ લઇને ઘૂમવું સતત
તારે જ રમવો રાસ, મને પરવડે નહીં
મરવું નથી ને યાર હવે જન્મવું નથી
આ કાયમી પ્રવાસ, મને પરવડે નહીં
તારી રજા ના લેય, અને આવજા કરે
એવો તો કોઇ શ્વાસ, મને પરવડે નહીં
બેશક કલમનું વાંઝિયું હોવું મને ગમે
કિન્તુ, એ પ્રસવે લાશ, મને પરવડે નહીં
posted by Jayshree @ 12:29 AM
2 Comments:
બહુ ઉત્તમ ગઝલ છે ! સ્નેહી પરમાર કોણ ..ક્યાંના છે ? કોઈ સંગ્રહ ?
બેશક કલમનું વાંઝિયું હોવું મને ગમે
કિન્તુ, એ પ્રસવે લાશ, મને પરવડે નહીં
ઊંચી વાત છે !
Jayshree
You have found very good gazal.
You choice of poems are of high quality. I suppose you are coming from the literature background (probably in family). Keep it up.
Post a Comment
<< Home